میں ان کے نازوں پہ لٹ گیا ہوں مگر وہ مجھ پہ فدا نہیں ہے

میں ان کے نازوں پہ لٹ گیا ہوں مگر وہ مجھ پہ فدا  نہیں ہے

وہ ایسے ٹھکرا رہے ہیں مجھ کو کہ جیسے میرا خدا نہیں ہے

کہا جو میں نے مریضِ غم ہوں مری حالت پہ بھی رحم کھانا

وہ چل دیے صرف اتنا کہہ کے تیرے درد کی دوا نہیں ہے

کہا جو میں نے مجھے بھی دو گھونٹ  پلا نظر سے پلا نظر سے

لگے وہ کہنے کہ ہوش میں آ ، نظر ہے یہ میکدہ نہیں ہے

Read More

روزاول سے ہے میری زندگانی آپ کی

روزاول سے ہے میری زندگانی آپ کی

ہے تو میرے پاس لیکن ہے نشانی آپ کی

اس کرم کے کہاں تھا قابل  اے مرے بندہ نواز

آپ نے اپنا بنایا  مہربانی آپ کی

غیر کی محفل میں مجھ سے حالِ دل مت پوچھیے

داستاں میری نہیں ہے ، ہے کہانی آپ کی

من کے مندر میں تجھے تکتا ہوں تو سجدہ کروں

اتنا سننا چاہتا ہوں بس/منہ  زبانی آپ کی

Read More

ساڈے ول سوہنیا نگاہواں کدوں ہونیاں

ساڈے ول سوہنیا  نگاہواں کدوں ہونیاں،

دسو منظور اے دُعاواں کدوں ہونیاں،

اک اک ذرے وچ رکھیاں شفاواں نیں،

بوسے تیرے قدماں نوں دتے جنہاں رہواں نیں

ساڈیاں نصیباں وچ او رہواں کدوں ہونیاں،

ساڈے ول سوہنیا،نگاہواں کدوں ہونیاں

ہجر دے بیماراں نوں شفاواں کدوں ہونیاں،

ساڈے ول سوہنیا،نگاہواں کدوں ہونیاں،

تِکھیاں جدائیاں دیاں ،دھُپاں دل ساڑیا

اینی گل دس دیو،خدائی دیا لاڑیا،

دُھپاں کدوں مکنیاں تے چھاواں کدوں ہونیاں،

ساڈے ول سوہنیا،نگاہواں کدوں ہونیاں،

رو،رو ساری عمر جدائی اچ گالی اے،

ہُن ساڈی زندگی دی شام ہون والی اے،

معاف ماہی ساڈیاں خطاواں کدوں ہونیاں

ساڈے ول سوہنیا،نگاہواں کدوں ہونیاں

عشق دے بیماواں نوں،دارو کوئی نی چاہیدا،

ایہناں دا علاج ہے،دیدار سوہنے ماہی دا

عشق دے بیماراں نوں شفاواں کدوں ہونیاں،

ساڈے ول سوہنیاں نگاہواں کدوں ہونیاں،

آقا ایہو صدراں نے سینے وچ پا لیاں،

ویکھاں گا کدوں میں روزے دیاں جالیاں،

سجن اُتے تیریاں عطاواں کدوں ہونیاں،

ساڈے ول سوہنیا،نگاہواں کدوں ہونیاں

Read More

مشورہ کرنا حکم الہی سنت رسول ﷺ

مشورہ کی اہمیت۔

مشورہ کرنا سے مراد ہے انسان کا اپنے کام کے لیے کسی دوسرے انسان سے رائے لینا تا کہ کام میں بہتری آئے اور جو کام کرنے جا رہا ہے اس میں کوئی غلطی نہ ہو جائے۔ قرآن مجید میں اللہ تعالی نے رسول اللہ ﷺ سے  ارشاد فرمایا : اے حبیب معاملات میں لوگوں سے مشورہ فرما لیں۔مشورہ کرنا رسول اللہ ﷺ کی سنت ہے ۔ آپ نے جب بھی جنگ کے لیے تیاری کی آپ نے مشورہ کیا  اور پھر جو مشورہ اچھا ملتا اس کے مطابق عمل بھی کیا مثلا غزوہ بدر کے قیدیوں کے بارے میں مشورہ طلب کیا گیا ، غزوہ احد کے موقع پر شہر سے باہر جا کر جنگ کرنا یہ صحابہ کرام کا مشورہ تھا جسے مانا گیا اسی طرح خندق کے کھدوائی بھی صحابہ کرام کا مشورہ تھا جسے رسول اللہ ﷺ نے عملی جامہ پہنایا۔ مشورے کے بارے میں چند ایک احادیث مبارکہ ذیل میں ذکر کی  جا رہی ہیں۔

۱: سعید بن مسیب ؓ فرماتے ہیں کہ رسول اللہ ﷺ نے ارشاد فرمایا کہ انسان مشورے کے بعد ہلاک  نہیں ہوتا۔

۲: رسول اللہ ﷺ نے ارشاد فرمایا کہ استخارہ کے بعد انسان ناکام نہیں ہوتا اور مشورہ کے بعد سرمندہ نہیں ہوتا۔

۳: رسول اللہ ﷺ نے ارشاد فرمایا کہ جس سے مشورہ طلب کیا جائے  وہ امانت دار ہوتا ہے اسے امانت داری کا پورا حق ادا کرنا چاہیے۔

Read More

My Art

Read More

کیا سنائیں مبتلائے دردِ دل

کیا سنائیں مبتلائے  دردِ دل

کیا سنو  گے ماجرائے دردِ دل

دردِ دل سے زندگی ہے زندگی

دردِ دل ہے بس دوائے دردِ دل

ہم نے دل سی چیز دے دی آپ کو

آپ کیا دیں گے سوائے دردِ دل

دردِ دل گر بانٹنے کی چیز ہو

بانٹ لیں اپنے پرائے دردِ دل

دردِ دل پیدا کیا دل کیلیے

اور دلِ بیدمؔ برائے دردِ دل

Read More

BA English Notes

Read More

نرم مزاجی کیی اہیت

نرم مزاجی کی اہمیت:

اخلاقِ حسنہ اسلام کا وہ گلشنِ سدا بہار ہے جس کے اجزائے ترکیبی میں عفو و درگزر، حلم وبردباری، ایثار و ہمدردی، عفت وپاکیزگی، جود و سخا، انصاف وعدل پروری اور نرم خوئی ونرم مزاجی کے گلہائے رنگارنگ ہیں۔ ان کی خوشبو مشامِ جاں کو معطر کرتی ہے، اور دل ودماغ کو فرحت وتازگی بخشتی ہے، اور ایمان ویقین کے خزاں رسیدہ پودوں کو ذوقِ نمو عطا کرتی ہے۔ تحمل وبردباری اور نرم خوئی ونرم مزاجی گلشنِ اخلاق کا وہ گلِ سرسبدہے جس کی مہک اورجس کاروح پروراثر اپنے اندر مقناطیسی قوت رکھتا ہے، اور دوسروں پر اثرانداز ہوئے بغیر نہیں رہتا۔ یہ وہ تیرِ نیم کش ہے جس سے کشورِ دل زیروزبر ہوجاتے ہیں، اور انسانی افکار و خیالات کی رو تبدیل ہوجاتی ہے۔ یہ وہ جاذب نظراور خوش نما ہتھیار ہے جس سے بغاوت پسند اور سرکش لوگ قابو میں آجاتے ہیں، اور اپنی زندگی میں صالح اور خوش گوار انقلاب لے آتے ہیں ۔

Read More

اپنے شیدائیوں سے نہ آنکھ چراؤ ، چھوڑو!

اپنے شیدائیوں سے نہ آنکھ چراؤ ، چھوڑو!

نہ صنم آج نہ تم روٹھ کے جاؤ ، چھوڑو!

سر ہلا کر مجھے  کہہ دو کہ میں  تمہارا ہوں

اس بھری بزم میں دامن نہ چھڑاؤ ، چھوڑو!

جانے کیا تجھ کو سمجھ کر تیرےدروازے پر

آ کے جو بیٹھ گیا ہے نہ اٹھاؤ، چھوڑو!

پھر اسی بات کاہے  تذکرہ میخانے میں

ہو گئی بات اسے بھول بھی جاؤ ، چھوڑو!

وہ ستم گر نہیں چاہتا کہ نشاں باقی ہو

اے عزیزو ! میری تربت نہ بناؤ ، چھوڑو!

لگ گئی ہے اسے خاکِ درِ جاناں اے اسیرؔ

اب جبیں غیر کے آگے نہ جھکاؤ ، چھوڑو!

Read More

دل میں اگر تڑپ نہ ہو عاشق کی عاشقی نہیں

دل میں اگر تڑپ نہ ہو عاشق کی عاشقی نہیں

درد سے ہو جو بے خبر آدمی آدمی نہیں

تیرے کرم  سے بے نیاز کون سی شئے ملی نہیں

جھولی ہی میری  تنگ ہے تیرے یہاں کمی نہیں

سر بسجود ہوں مگر قلب میں پختگی نہیں

قائلِ بندگی تو ہوں قابلِ بندگی نہیں

اب کوئی بات ہی نہیں مانا کہ روشنی نہیں

آپ کو بھول جاؤں میں ایسی تو بے خودی نہیں

تیر پہ تیر کھائے جا یار سے لو لگائے جا

آہ آہ نہ کر لبو ں کو سی عشق ہے دل لگی نہیں

تیرے سوا نہیں کوئی پیشِ نظر کوئی تو ہو

سجدہ کیسے کروں ادا سامنے جب تو ہی نہیں

لاکھوں حسین رو برو آئے نظر نگاہ نہ کی

تیرے بغیر غیر کو دیکھوں تو عاشقی نہیں

روح میں تازگی نہیں دل میں شگفتگی نہیں

تیرے بغیر زندگی موت ہے زندگی نہیں

Read More

قصہءِ غم نہ چھیڑیے یار کی بزمِ ناز میں

قصہءِ غم نہ چھیڑیے یار کی بزمِ ناز میں

چھڑتے ہی آگ لگ گئی سوز نہان ساز میں

کچھ بھی کہا کرے کوئی اپنا تو قول ہے یہی

ایسی نماز کو سلام تو نہ ہو جس نماز میں

حسن نے جب نگاہ کی عشق نے سر جھکا دیا

اس میں بھی کوئی راز تھا ناز میں اور نیاز میں

تیری نگاہ ناز میں ایسا تھا کیفِ بے خودی

جب سے تیری نظر پڑی میرا جی نہ لگا نماز میں

Read More

پاؤں نا دور دور بھی اپنی خبر کو میں

پاؤں نا دور دور بھی اپنی خبر کو میں

پھر ڈھونڈتا ہوں آپ کی پہلی نظر کو میں

اک اک نگاہ میں سینکڑوں تیروں کے وار ہیں

رکھوں کہاں سنبھال کے قلب و جگر کو میں

ایسا تلاشِ یار میں گم ہو گیا ہوں میں

آؤں گا اب نظر  کسی اہلِ نظر کو میں

مدت میں  جلوہ گر بالائے بام وہ

اس چاند کو میں دیکھوں یا دیکھوں قمر کو میں

ایسے گئے کہ زندگی کی شام ہو گئی

لاؤں کہاں سے ڈھونڈ کے گزری سحر کو میں

حیرت نگاہِ یار نے  کیا جانے کیا کیا

حیراں اب کہاں رہوں جاؤں کدھر کو میں

Read More

رازِ وفا کو فاش، سرِ عام کر دیا

رازِ وفا کو فاش، سرِ عام کر دیا

اشکوں کا ہو برا ہمیں بدنام کر دیا

ایسی تھی کچھ کشش تیری زلفوں کے جال میں

دانستہ ہم نے دل کو تہہ دام کر دیا

کتنی دعائیں دوں تیری زلفِ دراز کو

کتنا وسیع ہے سلسلہ ءِ دام کر دیا

وہ چشمِ مست کتنی خبردار تھی سنو!

خود ہوش میں رہی ہمیں بدنام کر دیا

یہ دل نواز صورت اور شیوۂِ ستم

اے عشق تو نے حسن کو بد نام کر دیا

دل کے کچھ برے تو نہ تھے دوستو مگر

رنگینی ءِ مزاج نے بد نام کر دیا

آیا خیال تک نہ غمِ روزدار کا

اے دردِ یار تو نے بڑا کام کر دیا

ساجد  کچھ ہم سے ان کی گلی دور تو نہ تھی

لیکن شکستہ پائی نے  ناکام کر دیا

Read More

Dil Kithy Khraya E O bholya دل کتھے کھڑایا ای بھولیا

دل کتھے کھڑایا ای او بھولیا

گل روون پایا ای او بھولیا

جگ ٹھگ باز دا علم تے ہایا

ناز ادائیں تے ڈلھنا نا ہیا

منکھ لوایا ای او بھولیا

ایہ انجام ائی عشقِ لائی دا

بنیا اے ہن تاں شغل خدائی دا

کے ہتھ آیا ای او بھولیا

ہن کیوں گھتناں ایں حال دہائیاں

پہلے ناہنیں سوچ کے لائیاں

گڈیا چایا  ای بھولیا

واہے توں باہلے گھاٹے جھل کے

بے قدراں دے سنگ اچ رل کے

بھرم ونجایا ای بھولیا

درد ہے تینوں بہونہ سمجھایا

کر نئیں بلکل مان پرایا

ہن ازمایا ای بھولیا

Read More

میری زندگی تو فراق ہے وہ ازل سے دل میں مکیں سہی

میری زندگی تو فراق ہے، وہ ازل سے دل میں مکیں سہی

وہ نگاہِ شوق سے دور ہیں، رگِ جاں سے لاکھ قریں سہی

 

ہمیں جان دینی ہے ایک دن، وہ کسی طرح ہو کہیں سہی

ہمیں آپ کھینچئے وار پر، جو نہیں کوئی تو ہمیں سہی

 

سرِ طور ہو سرِ حشر ہو، ہمیں انتظار قبول ہے

وہ کبھی ملیں، وہ کہیں ملیں، وہ کبھی سہی وہ کہیں سہی

 

نہ ہو ان پہ میرا جو بس نہیں، کہ یہ عاشقی ہے ہوس نہیں

میں انھی کا تھا میں انھی کا ہوں،وہ میرے نہیں تو نہیں سہی

 

مجھے بیٹھنے کی جگہ ملے، میری آرزو کا بھرم رہے

تیری انجمن میں اگر نہیں، تیری ا نجمن کا قریں سہی

 

تیرا در تو ہمکو نہ مل سکا، تیری رہگزر کی زمیں سہی

ہمیں سجدہ کرنے سے کام ہے، جو وہاں نہیں تو یہیں سہی

 

میری زندگی کا نصیب ہے، نہیں دور مجھ سے قریب ہے

مجھے اسکا غم تو نصیب ہے، وہ اگر نہیں تو نہیں سہی

 

جو ہو فیصلہ وہ سنائیے، اسے حشر پہ نہ اٹھایئے

جو کریں گے آپ ستم وہاں وہ ابھی سہی، وہ یہیں سہی

 

اسے دیکھنے کی جو لو لگی، تونصیر دیکھ ہی لیں گے ہم 

وہ ہزار آنکھ سے دور ہو، وہ ہزار پردہ نشیں سہی

Read More

اگر کعبہ کا رخ بھی جانب مے خانہ ہو جائے

اگر کعبہ کا رخ بھی جانب مے خانہ ہو جائے

تو پھر سجدہ مری ہر لغزش مستانہ ہو جائے

وہی دل ہے جو حسن و عشق کا کاشانہ ہو جائے

وہ سر ہے جو کسی کی تیغ کا نذرانہ ہو جائے

یہ اچھی پردہ داری ہے یہ اچھی رازداری ہے

کہ جو آئے تمہاری بزم میں دیوانہ ہو جائے

مرا سر کٹ کے مقتل میں گرے قاتل کے قدموں پر

دم آخر ادا یوں سجدۂ شکرانہ ہو جائے

شب فرقت کا جب کچھ طول کم ہونا نہیں ممکن

تو میری زندگی کا مختصر افسانہ ہو جائے

وہ سجدے جن سے برسوں ہم نے کعبہ کو سجایا ہے

جو بت خانے کو مل جائیں تو پھر بت خانہ ہو جائے

کسی کی زلف بکھرے اور بکھر کر دوش پر آئے

دل صد چاک الجھے اور الجھ کر شانہ ہو جائے

یہاں ہونا نہ ہونا ہے نہ ہونا عین ہونا ہے

جسے ہونا ہو کچھ خاک در جانانہ ہو جائے

سحر تک سب کا ہے انجام جل کر خاک ہو جانا

بنے محفل میں کوئی شمع یا پروانہ ہو جائے

وہ مے دے دے جو پہلے شبلی و منصور کو دی تھی

تو بیدمؔ بھی نثار مرشد مے خانہ ہو جائے

تم اپنی دید کا اے جانِ جاناں اعلان تو کر دو

جو ہونا ہے وہ ہو جائے یوں ہی چرچا نہ ہو جائے

نمازِ عشق کا سجدہ ادا کرنا قیامت ہے

یہ ڈر ہے غیر کے آگے کہیں سجدہ نہ ہو جائے

میرا سر کٹ کے مقتل میں گرے قاتل کے قدموں میں

دمِ آخر ادا یوں سجدہ ِٔ شکرانہ ہو جائے

بیدم وارثی

Read More