درداں نے پائے گھیرے سرکار نوں کہواں گے
غم ہو گئے ودھیرے سرکار نوں کہواں گے
کدی لنگدے لنگدے آقا ول نوکراں دے آؤ
دکھیاں دا حال آقا کدی آکے ویکھ جاؤ
ساڈے گھر وی پاؤ پھیرے سرکار نوں کہواں گے
روندے نے درداں مارے چردے نئیں شاہاں چارے
ہولی اے جان میری درداں دے بھار بھارے
لتھ جان بھار میرے سرکار نوں کہواں گے
کدی آؤ ساڈے ولے یا فر سانوں بلاؤ
ہجراں دی اگ کولوں آقا سانوں بچاؤ
اسی شام تے سویرے سرکار نوں کہواں گے
اجمل جئے مجرماں دا تیری ذات ہے سہارا
ساڈی لاج رکھ کریماں ساڈی لاج رکھ خدارا
کتھے جان کملے تیرے سرکار نوں کہواں گے
0 comments:
Post a Comment
Please Give Us Good Feed Back So that we can do more better for man kind. Your Comments are precious for US. Thank You