اج خدا نے عرش تے
ماہی بلا کے ویکھیا
مصطفے ﷺ نے وی خدا
نوں کول جا کے ویکھیا
مرحبا صل علی حوراں
تے ملکاں نے آکھیا
سب نے محبوب خدا نوں
سر جھکا کے ویکھیا
سج گیا عرش علی ہر
سمت مہکاں رج گیاں
جد محمد مصطفے نے
مسکرا کے ویکھیا
ہو گئے نیڑے میں صدقے
ہور نیڑے ہو گئے
خود خدا نے یار نوں
گھونگھٹ اٹھا کے ویکھیا
کی اودوں منظر ہوئے
گا بارگاہِ عشق وچ
یار نوں جد یار نے
نظراں جما کے ویکھیا
کنج گیا عرشاں تے
سوہنا کیوں اسی اے سوچیے
اے سجن رب جاندا اے
یا جس نے جا کے ویکھیا
0 comments:
Post a Comment
Please Give Us Good Feed Back So that we can do more better for man kind. Your Comments are precious for US. Thank You