جلوہ خدا کا جلوۂِ خیر البشر میں ہے

جلوہ خدا کا جلوۂِ خیر البشر میں ہے

جو آئینے میں ہے وہی   آئینہ گر میں ہے

سلطان دو جہاں کا مدینہ نظر میں ہے

اک کیف اک سرور سا قلب و جگر میں ہے

اس در کی حاضری کو زمانہ گزر گیا

وہ منظرِ حسیں مگر اب بھی نظر میں ہے

کیسے کہوں حضور کو میری خبر نہیں

ہر ذرہ کائنات کا ان کی نظر میں ہے

سمجھا نہ کوئی رفعتِ معراجِ مصفطےﷺ

انسان حیرتوں کے ابھی تک بھنور میں ہے

صدقہ نبی کی آل کا اپنے نبی سے مانگ

نعمت ہر ایک دامنِ خیر البشر میں ہے

عرشِ خدا سے کم  وہ نیازی نہیں ہے دل

مسکن اگر حضور کا دل کے نگر میں ہے

دیکھے کوئی حضور کی بندہ نوازیاں

مجھ سا حقیر مجھ سا کمینہ نظر میں