غمِ فرقت میں مر جانا نہ کچھ کہنا نہ کچھ سننا

غمِ فرقت میں مر جانا نہ کچھ کہنا نہ کچھ سننا

مزا الفت میں یوں پانا نہ کچھ کہنا نہ کچھ سننا

پس مردم جو تجھ سے ہو سکے تو میری تربت پر

فقط تشریف لے آنا نہ کچھ کہنا نہ کچھ سننا

رکھوں گا ساری زندگانی تیرااحسان آنکھوں پر

محبت کی قسم جانا نہ کچھ کہنا نہ کچھ سننا

نگاہیں منتظر رہتی ہیں میری ان سے کہ دینا

اگر پوچھیں وہ افسانہ نہ کچھ کہنا نہ کچھ سننا

نسیمِ صبح تو جائے جو اس کوچے کو چپکے سے

میرا بھی دل لیے جانا نہ کچھ کہنا نہ کچھ سننا

دل مشتاق تو جائے جو اس کوچے میں چپکے سے

میرا بھی دل لیے جانا نہ کچھ کہنا کچھ سننا