جنت جو ملے لا کر میخانے میں رکھ دینا

جنّت جو ملے لا کر میخانے میں رکھ دینا

کوثر میرے چھوٹے سے پیمانے میں رکھ دینا

میت نہ میری جا کر ویرانے میں رکھ دینا

 پیمانوں میں دفنا کر میخانے میں رکھ دینا

٭٭٭٭٭٭

دفن کرنا میری میت کو بھی میخانے میں

تا کہ میخانے کی مٹی رہے میخانے میں

٭٭٭٭٭٭

 سجدوں پہ نہ دے مجھ کو ارباب ِحرم طعنے

 کعبے   کا کوئی پتھر بت خانے میں رکھ دینا

 وہ جس سے سمجھ جائیں روداد میرے غم کی

ایسا بھی کوئی ٹکڑا  افسانے میں رکھ دینا

اک جام سے مے کش کا کیا ہو گا بھلا ساقی

میخانے کا میخانہ پیمانے میں رکھ دینا

 سیمابؔ یہ فطرت کا ادنیٰ سا اشارہ ہے

خاموشی سے ایک بجلی پروانے میں رکھ دینا