تین باتیں اور تینوں حق ہیں

تین باتیں اور تینوں حق ہیں : رسول اللہ ﷺ نے ارشاد فرمایا:

يا ابا بكر ثلاث كلهن حق۔ مَا مِن عَبد ظُلِمَ بِمَظلِمَۃ فيُغضِي عنها لِلهِ عز وجل اِلَّا اَعَزَّ اللهُ بِمَا نَصرَهُ۔ ومَا فَتَحَ رَجُل بَابَ عَطِيَّۃ يُرِيدُ بِهَا صِلَۃً اِلَّا زَادَهُ اللهُ بِها كَثرَۃً وَمَا فَتَحَ رَجُل بَابَ مَسأَلَۃ يُرِيدُ بِهَا كَثرَۃً اِلَّازَادَهُ اللهُ عز وجل بِهَا قِلَّۃً  مسند احمد اسناده حسن لذاته

اے ابوبکر ! تین باتیں ایسی ہیں کہ وہ تینوں ہی حق ہیں :

1: جب کسی آدمی پر ظلم کیا جائے اور وہ شخص محض اللہ تعالی کے لیے اس ظلم سے چشم پوشی کرتا ہے تو اللہ تعالی اس کے اس عمل کی وجہ سے اسے اپنی مدد کا حقدار بنا لیتا ہے  یعنی اس کی ضرور مدد کرتا ہے۔

2: جب کوئی شخص محض صلہ رحمی کے لئے اپنے عزیزواقارب میں تحفے تحائف تقسیم کرتا ہے تو اللہ تعالی اس کے اس عمل کی وجہ سے اسے اور زیادہ مال و دولت عطا کرتا ہے ۔

3:  جب کوئی شخص مال و دولت میں اضافے کے لئے ہاتھ پھیلاتا اور مانگتا ہے تو اللہ تعالی اس کے اس عمل کی وجہ سے اس کی تنگدستی میں اضافہ کر دیتا ہے۔