میرا جسم میری مرضی: کالم نگار :حسن نثار

میرا جسم میری مرضی: کالم نگار :حسن نثار

بالکل صحیح بات ہے۔۔۔۔۔ سو فیصد درست۔ اگر جسم تمہارا ہے تو مرضی بھی یقیناً تمہاری چلنی چاہیے۔ لیکن کیا یہ واقعی جسم تمہارا ہے۔ یا خالق و مالک و رازق کی امانت ہے جو چند سانسوں ، چند سالوں کےلیے بطور امانت  تمہیں سونپا گیا ہےتو خود ہی سوچ لو دیانت کا تقاضا کیا ہے

جان، دی ہوئی اسی کی تھی

حق تو یہ ہے کہ حق ادا نہ ہوا

جسم ہمارا تمہارا ہوتا تو خود کشی حرام نہ ہوتی۔یہاں کچھ بھ ہمارا تمہارا نہیں ہے۔ کیا ہم اپنی مرضی سے پیدا ہوتے ہیں؟ کیا ہمیں ماں باپ کے انتخاب کا اختیار ہوتا ہے؟ کیا ہم بہن بھائی خود منتخب کرتے ہیں؟ کیا ہم پیدا ہونے کے لیے گھر، خاندان ، شہر ، ملک یہاں تک کہ مذہب کا بھی اختیار رکھتے ہیں؟ کیا ہمیں اپنی شکل و صورت ، رنگ ، جسامت ، افتادِ طبع پر کسی بھی قسم کا اختیار ہے؟ کیا موت ہمارے اختیار میں ہے؟ نہیں۔۔۔۔ ہر گز نہیں۔۔۔اے انسان ! جسم تو کیا۔۔۔۔۔۔۔۔یہاں کچھ بھی ہمارا نہیں کہ ہم تو اپنے بلڈ گروپ کے سامنے بھی بے بس ہیں اور یہی اصل کام ، اصل امتحان ہے۔‘‘ اک آگ کا دریا ہے اور ڈوب کے جانا ہے’’ نہ جسم میرا، نہ مرضی میری، نہ آغاز میرے بس میں نہ انجام میرے بس میں ۔۔۔

آئی حیات لائی قضا لے چلی چلے

اپنی خوشی نہ آئے نہ اپنی خوشی چلے