اجاڑ دے میرے دل کی دنیا سکون میرا تباہ کر دے ujaar de mere dil ki dunya

اجاڑ دے میرے دل کی دنیا سکون میرا تباہ کر دے

مگر یہی التجا ہے میری ، میری طرف اک نگاہ کر دے

یہ پردہ داری ہے کیا تماشہ مجھی میں رہ کر مجھی سے پردہ

تباہ کرنا  اگر ہے مجھ کو نقاب اٹھا اور تباہ کر دے

سہانی راتوں کی چاندنی میں کبھی نہ تم بے نقاب آنا

میں دل پہ قابو تو پا ہی لوں گا میری نظر نہ گناہ کر دے

میں بندہ ءِ پر خطا ہوں بیدم میرے گناہوں کا جانچنا کیا

حساب لینا ، حساب لے لے مگر کرم بے حساب  کر دے