دنیا والے دیکھتے رہ جائیں گے || کلام عبدالستار نیازیؔ|| آئیں گے وہ آئیں گے وہ آئیں گے

 

دنیا والے دیکھتے رہ جائیں گے

جب مدینے وہ ہمیں بلوائیں گے

 

آئیں گے وہ دن بھلے بھی آئیں گے

آپ جب نظرِ کرم فرمائیں گے

 

ہم ہیں دیوانے نبی کے نام کے

عقل والے کیا ہمیں سمجھائین گے

 

جی رہا ہوں میں اسی امید پر

میرے گھر سرکار اک دن آئیں گے

 

نقشِ پا دیکھیں گے جس جگہ

تیرے دیوانے وہاں جھک جائیں گے

 

ہم کو دنیا سے نہیں مطلب حضورﷺ

گیت ہم بس آپ ہی کے گائیں گے

 

دن جو گزرے ہیں درِمحبوب پر

یاد جب آئیں گے تڑپائیں گے

 

کہہ رہی ہیں میرے دل کی دھڑکنیں

جائیں گے ہم بھی مدینے جائیں گے

 

روز کہتا ہے نیازی دل مرا

آئیں گے وہ آئیں گے وہ آئیں گے