حشر میں خود کوجو دیکھوں گا بکھر جاوں گا || کلام رفیق ضیاء || hashr men khud ko lyrics

 

حشر میں خود کوجو دیکھوں گا بکھر جاوں گا

آپ نے گر نہ سنبھالا تو میں کدھر جاوں گا

 

مجھ کو بس اپنے غلاموں میں ہی رکھیے آقا

یہ سند لے کے میں دنیا سے گزر جاوں گا

 

میرا سر آپ کی دہلیز کے لائق تو نہیں

خاک بن کر تیرے قدموں میں  بکھر جاوں گا

 

میری ہر سانس کی ڈوری  درِ پنج تن سے جڑی

بے خطر ہو کے لحد میں میں اتر جاوں گا

 

عادت نعت بہانہ ہے میری بخشش کا

نعت پڑھتے ہوئے پل سے میں گزر جاوں گا

 

اتنا مانوس ہوں آقا میں تیرے قدموں سے

مجھ کو قدموں سے کیا دور تو مر جاوں گا

 

اس سے بڑھ کر نہیں اعزاز کوئی اور ضیاء

لوگ تیرا ہی کہیں گے میں جدھر جاوں گا