جب تیری دُھن میں جیا کرتے تھے || jab teri dhun men jia krty thy lyrics || Mohsin Naqvi

 

جب تیری دُھن میں جیا کرتے تھے

ہم بھی چُپ چاپ پِھرا کرتے تھے

آنکھوں میں پیاس ہُوا کرتی تھی

دل میں طوفان اُٹھا کرتے تھے

لوگ آتے تھے غزل سننے کو

ہم تیری بات کیا کرتے تھے

کسی ویرانے میں تجھ سے مل کر

دل میں کیا پھول کِھلا کرتے تھے

گھر کی دیوار سجانے کے لیے

ہم تیرا نام لکھا کرتے تھے

وہ بھی کیا دن تھے بُھلا کر تجھ کو

ہم تجھے یاد کیا کرتے تھے

جب تیرے درد سے دل دُکھتا تھا

ہم تیرے حق میں دعا کرتے تھے

کل تجھے دیکھ کر یاد آیا

ہم سخنور بھی ہوا کرتے تھے

محسن نقوی