منقبت سیدہ خدیجہ الکبری ؓ || کرم کی نشانی ہیں بی بی خدیجہ || manqabat Sayda Khadija Kubra

 

مکے کی رانی ہیں بی بی خدیجہ

کرم کی نشانی ہیں بی بی خدیجہ

 

رواں سلسلے ہیں کرم کے جو اب تک

وجہ روانی ہیں بی بی خدیجہ

 

زمانہ غم میں میرے مصطفے پر

عطائے ربانی ہیں بی بی خدیجہ

 

جنہیں آسماں سے سلام آ رہے ہیں

وہ زینب کی نانی ہیں بی بی خدیجہ

 

اسلام کی ہیں وہ خاتونِ اول

حوا کی ثانی ہیں بی بی خدیجہ

 

جنہیں سن کے روتے ہیں سرکارِ عالم

وہ غم کی کہانی ہیں بی بی خدیجہ

 

ہے جنت بھی نازاں جسے پا کے لوگو

وہ جنت مکانی ہیں بی بی خدیجہ

 

ظہیؔر ان کی سیرت امر ہو گئی ہے

نہیں جن کا ثانی ہیں بی بی خدیجہ