تسبیح دے اک اک دانے تے توں یار دا ورد پکاوندا روہ || نصرت فتح علی خان

 

تسبیح دے اک اک دانے تے توں  یار  دا  ورد  پکاوندا  روہ

اوہ رسیا آپے من جائے گا توں  اپنا فرض  نبھاوندا  روہ

 

توں دل دے شیشے وچ رکھ لئے  تصویراں اپنے یار دیاں

توں مار کے جھاتی اپنے وچ  یار  دا  درشن  پاوندا  روہ

 

چھڈ جھوٹے ورد وظیفے نوں  اوہدے عشق دا قاعدہ پڑھیا کر

جگ بھاویں کافر کہندا  رہے توں ایہو سبق  پکاوندا  روہ

 

اوہ بولے بھاویں نہ بولے   ایہ مرضی اوہدے دل دی اے

سر رکھ کے یار دے قدماں تے توں سجناں سیس نواوندا روہ

 

جے بندیا توں کجھ کھٹناں ایں بس اک دا ہو جا چپ کر

توں لگ کے آکھے لوکاں دے نہ ایویں وقت  گواوندا  روہ

 

جے تک لیا سوہنے اک واری  تینوں صادق منزل مل جائے گی

تو اتھرو اوہدیاں یاداں دے نت اکھیاں وچ  سجاوند ا  روہ