اے کاش محبت ہو تجھے بھی ، اور خود سے ہو || محمد سہیل عارف معینی

 

اے کاش محبت ہو تجھے بھی  ، اور خود سے ہو

اے کاش شکایت ہو تجھے بھی ، اور خود سے ہو

 

تو چاہے ملاقاتیں وہ تجھ سے خفا ہی رہے

احساس اذیت ہو تجھے بھی ، اور خود سے ہو

 

اخلاص کا دعوی ہو تجھے اپنی محبت پر

پھر عالمِ نفرت ہو تجھے بھی ، اور خود سے ہو

 

غم دل کے سنانے کو اور درد مٹانے کو

اک بار ضرورت ہو تجھے بھی ، اور خود سے ہو

 

ہیں گزرے معینی ہم جس کرب کے عالم سے

نہ چاہتے نفرت ہو تجھے بھی ، اور خود سے ہو