مرا جہاں میں ظہور و خفا معینی ہے | نصیرؔ! تو تو بڑے کام کا معینی ہے | منقبت خواجہ غریب نواز | کلام پیر نصیر الدین نصیر شاہ | pir naseer ul din naseer shah

 

مرا جہاں میں ظہور و خفا معینی ہے

میں وہ ہوں جس کی فنا و بقا معینی ہے

 

ہیں اہل چشت ہیں خواجہ کے چاہنے والے

ہمارے شہر کی آب و ہوا معینی ہے

 

کھلا ہوا ہے در غوث پاک و خواجہ معیں

یہ تاج تو وہ دارالشفا معینے ہے

 

ولائے خواجہ سے سرشار ہیں تمام ولی

خدا گواہ کہ ہر بار خدا معینی ہے

 

جلو میں اپنے ہجوم تجلیات لئے

یہ کوئی تاج بیٹھا ہے، یا معینی ہے

 

گدائے خواجۂ اجمیر اجمیر ہوں بحمداللہ

مری حیات کا رنگ غنا معینی ہے

 

مرے طریق سے خارج ہے مصلحت کوشی

فقیر، قول و عمل میں کھلا معینی ہے

 

مثال آئینہ شفاف ہے مری فطرت

خدا کا شکر کہ جوہر مرا معینی ہے

 

مری سرشت میں شامل ہے خوئے بت شکنی

مرا مزاج بہ فضل خدا معینی ہے

 

یہ ناقدانہ تخاطب بجا، مگر حضرت !

رہے خیال کہ بندہ ذرا معینی ہے

 

وہ جس نے پھول کھلائے ہیں لفظ و معنیٰ کے

وہ ایک شاعر رنگیں نوا معینی ہے

 

نصیرؔ دین متیں خود کو کر دیا ثابت

نصیرؔ! تو تو بڑے کام کا معینی ہے

کلام : پیر نصیر الدین نصیر شاہ رحمۃ اللہ علیہ