نگاہ یار نے بخشا ہے وہ خمار مجھے nigah e yaar ne bakhsha lyrics امیر بخش صابری

 نگاہ یار نے بخشا ہے وہ خمار مجھے

زمانہ کہتا ہے خواجہ کا بادہ خوار مجھے

 

گدائی کی تیری چوکھٹ کی بادشاہی کی

بنا دیا ہے فقیری نے تاجدار مجھے

 

یہ میرے مرشدِ کامل کا ہی تصرف ہے

بنا یا قادری نسبت کا رازدار مجھے

 

اسی نگاہ نے پھر تان لی یہ چلمن سی

کہ جس نگاہ سے پہلے کیا شکار مجھے

 

تو چھوڑ دے میرا پیچھا تو چھوڑ دے واعظ

دکھائی دیتا ہے اب آستانِ یار مجھے

 

امیرِ صابری اب دل پہ اختیار نہیں

ذرا سنبھال  کے لے چل دیارِ یار مجھے