ہر گھڑی پیش نظر عشق میں کیا کیا نہ رہا | har ghari pesh e nazar lyrics صوفیانہ کلام رندانہ کلام

 

ہر گھڑی پیش نظر عشق میں کیا کیا نہ رہا

میرا دل بس تری تصویر کا دیوانہ رہا

 

ایسا مدہوش کیا تیری تجلی نے مجھے

طور بھی میرے لئے وجہ تماشہ نہ رہا

 

 یہ ستم مجھ پہ مرے عشق کا اچھا نہ رہا

تجھ کو دیکھا تو مرا دل مرا اپنا نہ رہا

 

 یوں ترے نقش کف پا پہ ادا کی ہے نماز

سر میں کعبہ کے لئے ایک بھی سجدہ نہ رہا

 

ابتدا یہ تھی کہ میں اپنا سمجھتا تھا انہیں

 انتہا یہ ہے کہ میں آپ بھی اپنا نہ رہا

 

 زندگانی تجھے لے جاؤں میں کس کے در پر

 دل میں حسرت نہ رہی سر میں بھی سودا نہ رہا

 

 وہ نہ کعبے میں ملا ہے نہ صنم خانے میں

 کیا قیامت ہے کہ وہ شوخ کسی کا نہ رہا

 

 وہ پرایا تھا فناؔ اس کا گلا کیا کیجیے

غم تو یہ ہے کہ میں خود آپ بھی اپنا نہ رہا