ay khatm e rusul makki madni lyrics اے ختم رسل مکی مدنی | فنا بلند شہری |fana buland shehri

 

اے ختم رُسل مکی مدنی کونین میں تم سا کوئی نہیں

 اے نورِ مجسم تیرے سوا محبوب خدا کا کوئی نہیں

 

یہ شان تمہاری ہے آقا تم عرش بریں پر پہنچے ہو

 ذیشان نبی ہیں سب لیکن معراج کا دولہا کوئی نہیں

 

اوصاف تو سب نے پائے ہیں پر حسن سراپا کوئی نہیں

 آدم سے جناب عیسیٰ تک سرکار کے جیسا کوئی نہیں

 

 دل کس کو دکھائیں چیر کے ہم عصیاں کا مداوا کون کرے

اے رحمت عالم تیرے سوا دکھیوں  کا مسیحا کوئی نہیں

 

خیرات محمد سے پاکر اس ناز سے کہتے ہیں منگتتے

 دکھیوں پہ کرم کرنے والا سرکار سےاچھا کوئی نہیں

 

 مالک ہیں وہ دونوں عالم کے ہر ذرہ منور ہے ان سے

تنویرِ مجسم سیدِ کل آقا کے علاوہ کوئی نہیں

 

 ہو جائے اگر اک چشم کرم محشر میں فنا کی لاج رہے

 اے شافعِ محشر تیرے سوا بخشش کا وسیلہ کوئی نہیں

 

 کلام : فنا بلند شہری