بخشش کی انتہا ہے دربارمصطفٰیﷺ میں صدیوں کے فاصلے بھی لمحوں میں کٹ گئے bakhshish ki intiha he darbar e mustafa men

 

بخشش کی انتہا ہے دربارمصطفٰیﷺ میں

ہر درد کی دوا ہے دربارمصطفٰیﷺمیں

 

 صدیوں کے فاصلے بھی لمحوں میں کٹ گئے

 محسوس یہ ہوا ہے دربار مصطفیﷺ میں

 

 صدیوں کے فاصلے بھی لمحے میں کٹ گئے

 کیسا یہ ماجرا ہے معراج مصطفیﷺ میں

 

سرکار سن رہے ہیں اشکوں کی التجائیں

سائل تو چپ کھڑا ہے دربار مصطفیﷺ میں

 

لعل وگوہر سے بڑھ کر ہیں قیمتی وہ آنسو

آنکھوں سے جو گرا ہے دربار مصطفیﷺ میں

 

راستہ اسے ملا ہے منزل اسے ملی ہے

جو قافلہ رکا ہے دربار مصطفیﷺ میں

 

گر پاس میرے ہوتا سینے میں تو دھڑکتا

یہ دل تو کھو گیا ہے دربار مصطفیﷺ میں

 

عیبوں کو ڈھانپتے ہیں میرے کریم آقا

مجرم کی کیا سزا ہے دربارِ مصطفی ﷺمیں

 

آنسو ستارہ بن دیکھو پئے زیارت

پلکوں پہ رک گیا ہے دربار مصطفیﷺ میں

 

صل علی کے نغمے اور آنسووں کے گجرے

اک چشن سا بپا ہے دربارمصطفی ﷺمیں